Latest News

കേരള വോളന്‍ററി യൂത്ത്‌ ആക്ഷന്‍ ഫോഴ്‌സ്‌

ചരിത്രത്തിലെ സമാനതകളില്ലാത്ത ഏറ്റവും വലിയ പ്രളയത്തിനാണ്‌ നമ്മുടെ സംസ്ഥാനം 2018-ല്‍ സാക്ഷ്യം വഹിച്ചത്‌. ഇത്തരത്തിലുള്ള പ്രകൃതിദുരന്തങ്ങള്‍ ഉണ്ടാകുമ്പോള്‍ അവയെ നേരിടാന്‍ സജ്ജമായ യുവജനപങ്കാളിത്തം ആവശ്യമാണെന്ന്‌ കണ്ടെത്തിയതിനെ തുടര്‍ന്ന്‌ യുവജനക്ഷേമ ബോര്‍ഡിന്‍റെ നേതൃത്വത്തില്‍ കേരള വോളന്ററി യൂത്ത്‌ ആക്ഷന്‍ ഫോഴ്‌സ്‌ രൂപീകരിക്കുവാന്‍ തീരുമാനിച്ചിട്ടുണ്ട്‌. ഓണ്‍ലൈന്‍ രജിസ്‌ട്രേഷനിലൂടെയാണ്‌ കേരള വോളന്‍ററി യൂത്ത്‌ ആക്ഷന്‍ ഫോഴ്‌സ്‌ രൂപീകരിക്കുന്നത്‌.

ഓണ്‍ലൈന്‍ രജിസ്‌ട്രേഷന്‍ ലിങ്ക്‌ : http://volunteer.ksywb.in/

ഓണ്‍ലൈന്‍ രജിസ്‌ട്രേഷന്‍റെ സംസ്ഥാനതല ഉദ്‌ഘാടനം 2018 സെപ്‌റ്റംബര്‍ 28 - ന്‌ തിരുവനന്തപുരത്ത്‌ വച്ചാണ്‌ നടത്തുന്നത്‌. സന്നദ്ധതയും കഴിവുമുള്ള 15 വയസ്സിനും നും 30 വയസ്സിനും മദ്ധ്യേ പ്രായമായ ഒരു ലക്ഷം യുവജനങ്ങളെ തെരഞ്ഞെടുത്ത്‌ കേരള വോളന്‍ററി യൂത്ത്‌ ആക്ഷന്‍ ഫോഴ്‌സ്‌ രൂപീകരിക്കുന്നതാണ്‌. ഇതില്‍ നിന്നും ശാരീരികക്ഷമതയും അര്‍പ്പണബോധവുമുള്ള 100 യുവജനങ്ങളെ വീതം തെരഞ്ഞെടുത്ത്‌ ജില്ലാ അടിസ്ഥാനത്തില്‍ ദുരന്തനിവാരണ പ്രവര്‍ത്തനങ്ങളിലും രക്ഷാ പ്രവര്‍ത്തനങ്ങളിലും പരിശീലനം നല്‍കുകയും ആവശ്യമായ രക്ഷാപ്രവര്‍ത്തന സാമഗ്രികള്‍ വാങ്ങി നല്‍കുകയും ചെയ്യുന്നതാണ്‌. കൂടാതെ, കൗണ്‍സിലിംഗ്‌, സാങ്കേതിക വൈദഗ്‌ദ്ധ്യം, സര്‍വ്വേ തുടങ്ങിയ വിവിധ മേഖലകളിലായി ടീമുകളെ ഈ പദ്ധതിയുടെ ഭാഗമായി സജ്ജമാക്കുവാനും ഉദ്ദേശിക്കുന്നുണ്ട്‌.

  Online Registration Details